SAMAÍN

 Ola, familias!!!😊

Esta semana foi terroríficamente emocionante, xa que celebramos a semana do Samaín! 

Preparamos un montón de cousas para decorar a nosa aula e o resto do cole: fixemos pantasmas xogando co sopro, trouxemos ao cole unhas cabaciñas decoradas na casa, creamos pegatinas de fantasmas, traballamos co conxuro da queimada...

E, por último… chegou o gran día: a festa do Samaín!
Disfrazámonos, fixemos unha gran merendola e desfilamos diante de todo o colexio.

Foi unha semana na que o pasamos de medo!! 

Esperamos que vos guste.

Unha forte aperta e boa ponte!💗

MURAL DO OUTONO

Ola familias!😊

Durante este semana os nenos e as nenas de Educación Infantil traballamos moito para crear o noso mural do Outono cos elementos que recolleramos na excursión ó monte.

Quedounos chulísimo!

Esperamos que vos guste.

Unha aperta!💕

DÍA DAS BIBLIOTECAS

Ola familias! 😊

Hoxe celebramos o Día das Bibliotecas e os nenos e nenas de Infantil puideron cortar a cinta para inagurar a biblioteca do noso cole. Ademais, todos os nenos e as nenas do cole escribimos nunha tarxeta os nosos contos favoritos para colgalo na biblioteca e crear unha cadea de lectores.

Foi un día moi especial!

Un saúdo!

LENDAS DO SAMAÍN

Ola familias!

Esta semana empezamos co Samaín e tivemos a sorte de que as alumnas de 1º da ESO contáronnos lendas e explicaron a tradición de esta festividade a todos e todas os nenos e nenas de Infantil.

Gustounos moito escoitalas!

Un saúdo!

PLANTANDO NA HORTA!

 Ola familias!!!😉

Esta semana convertémonos por un intre en agricultores e plantamos repolo galego no horto do noso colexio. 

Estaremos atentos e atentas para ver canto crecen!

Un saúdo!

EXCURSIÓN AO MONTE

 Ola familias!!😊

O pasado mércores tivemos a sorte de ir todos os nenos e nenas de Educación Infantil de excursión. 

Fomos ao Parque Forestal de Beade e alí demos un longo paseo observando a contorna e recollendo follas, ourizos, castañas... 

Despois merendamos todos xuntos e disfrutamos xogando no parque. 

Pasámolo super ben!! 

EXPLORANDO O OUTONO EN PROFUNDIDADE!

Ola familias! 😊

Esta semana vivimos unha chea de experiencias chulísimas. 

Os nenos e as nenas de 6º de Infantil e a profe Bárbara convidáronnos á súa clase para descubrir e probar as froitas típicas do outono. 

Ademais, creamos nosa propia vendima no cole! Foi super divertido converternos en vendimiadores e vendimiadoras, onde descubrimos os tipos de uvas que hai, quitámolas do acio e pisámolas para facer o mosto.

Tamén fixemos outras actividades sensoriais dunha forma moi especial, cos ollos pechados! Os nenos e nenas cos ollos tapados manipularon diferentes elementos do outono (follas, piñas, paos, castañas...) e tiñan que tratar de adiviñar de que se trataba. 

Ensinámosvos un pouquiño desta fantástica semana.

Unha forte aperta e boa fin de semana! 💗